ნული ქულა ადამიანის უფლებების დაცვაში მოსკოვს!

არ მიყვარს რუსეთზე, მითუმეტეს მოსკოვზე წერა ან ფიქრი ან ყველაფერი , რაც "დიდი რუსეთის" ცნებას უკავშირდება. თუმცა, არ შემიძლია სოლიდარობა არ გამოვხატო მოსკოვის გეი აქტივისტების მიმართ, რომლებმაც დიდი საფრთხის მიუხედავად 16 მაისს მაინც სცადეს გეი დემონსტრაციის გაკეთება ევროვიზიის კონცერტის დაწყების წინ. აქტივისტების ცემა და დაპატიმრება მსოფლიო საინფორმაციო საშუალებების ყურადღების ცენტრში მოხვდა. ძალიან სიმბოლურია, რომ ჰომოფობიის წინააღმდეგ ბრძოლის მსოფლიო დღეს მოსკოვში გეი მანიფესტაცია დაარბიეს. რაღა თქმა უნდა დარბევას "რუს მართმადიდებელ ახლაგაზრდათა კავშირი" გალობით და მიტინგით მიესალმა. მოკლედ, ყველას თავისი მაჯლაჯუნები ყავს. ამაზე მეტს აღარ დავწერ, თუმცა გადავწყვიტე ცნობილი გეი ონლაინ ჟურნალის OHLALA Magazine-ის სტატია გადმომექართულებია და ჩემს ბლოგზე განმეთავსებინა. სტატიის ბოლოს ისევ ჩემს ჩანართს გავაკეთებ Youtube-ის ორი ვიდეოს სახით, რომელთაგან ერთი Associated Press-ის მასალაა და მეორე Sky News მოსკოვის ამბებთან დაკავშირებით.



მიუხედავად იმისა, რომ შესაძლოა თეთრ საქორწინო კაბაში იყოთ და მოხდენილ ქერა პარიკში იყოთ გამოწყობილი, საკმაოდ დიდი ყვერები უნდა გქონდეთ, რომ გაბედოთ და მოსკოვის ქუჩაში საკუთარი უფლებების დასაცავად საპროტესტოდ გამოხვიდეთ.


თითქოს მოსკოვს და არც რუსეთს პრობლემა არ ქონია საკუთარ მიწაზე პლანეტის ყველაზე გეი ღონისძიებისათვის ემასპინძლა (ვგულისხმობ ევროვიზიის კონკურსს), თუმცა 80-მდე გეი აქტივისტი, რომელებიც ევროვიზიის კონკურსამდე საპროტესტო აქციას ამზადებდნენ საკუთარი უფლებების სასაცავად დაპატიმრებულნი არიან.

დაპატიმრებულია ნიკოლაი ალექსეევიც (Nikolai Alexeyev), რომელიც რუსეთის ყვლეაზე გალენიანი გეი აქტივისტია და მისი პარტნიორი ნიკოლაი ბაიევი (Nikolai Bayev).

"ვერ ვიტყვით, რომ რუსეთი მთლიანად ჰომოფობიური ქვეყანაა, თუმცა უმრავლესობა ნამდვილად არის. რუსი გეები დიდი ხანია მუდმივი თავდასხმების, შანტაჟის, შეურაწყოფის და დისკრიმინაციის მსხვეპლნი არიან. ეს სამარცვინო მდგომარეობაში აგდებს ძლევამოსილ რუსეთს." [ამონარიდი CNN-ის ახალი ამბებიდა]


მოსკოვის მერმა იური ლუჟკოვმა ღონისძიებას სატანისური უწოდა და ქმედების გამართლებას შეეცადა იმით, რომ გეებს შიდსის გამავრცელებლობა დააბრალა. ლუჟკოვმა არაერთხელ აკრძალა მსგავსი მანიფესტაციები მოსკოვში და მრავალი გეი აქტივისტი ბევრჯერ გახდა უკანაონო დაპატიმრებისა და ნაციონალისტური ჯგუფებიდან თავდასხმების მსხვერპლი.


(შეგიძლიათ იხილოთ სტატია ინგლისურად Ohlalamag.com-ზე)

ესეც Youtube-ის ვიდეოები.

გეი რევოლუცია გრძელდება!

ახალი კვირის დაწყებას გილოცავთ ჩემო ჰომო, ჰეტერო, ტრანს, ბი და ასეშემდეგო საყვარელო ბლოგერებო. მოკლედ, მსოფლიოში კარგი ამბები ხდება და სანამ თბილისური პარაფინირებული ბომონდი "აპრილის დიდი ბუნიობისათვის" ემზადება, თანამედროვე სამყაროს გეი რეევოლუცია ეპარება.

3 აპრილს აიოვას (Iowa, USA) უზენაესმა სასამართლომ ისტორიული გადაწყვეტილება მიიღო და დაადგინა "კანონი, რომლიც ქორწინებას განმარტავს, როგორც ქალისა და მამაკაცის კავშირს ეწინააღმდეგება აიოვას კონსტიტუციის თანასწორობის მუხლს". ამით სასამართლომ გააუქა 1998 წლის კანონი, რომელიც ქორწინების უფლებას მხოლოდ აქლსა და მამაკაცს ანიჭებდა. აიოვა მესამე ამერიკული შტატი გახდა (კონექტიკუტისა და მასაჩუსესის შემდეგ) , რომელმაც გეი ქორწინება აღიარა. მართალია, რესპუბლიკელი სენატორი პოლ მაკ კინლი საკონსტიტუციო ცვლილებით იმუქრება, მაგრამ ამ პროცესს ალბათ უკვე ვეღარავინ გააჩერებს.

შეგახსენებთ, რომ აიოვას ამბაბდე ორი დღით ადრე შვედეთის პარლამენტმა დააკანონა შვედეთში გეი ქორწინება. შვედეთი 5-ე ევროპული სახელმწიფო გახდა ჰოლანდიის, ბელგიის, ესპანეთისა და ნორვეგიის შემდეგ რომელიც აღიარებს გეი ქორწინებას და ერთსქესიან ოჯახებს ორსქესიანი ოჯახების იდენტურ საკანონმდებლო გარემოს უქმნის.

ყველაზე მაგარი ისაა, რომ შვედური კანონი საშუალებას აძლევს წყვილებს არათუ სამოქალაქო წესით დაქორწინდნენ არამედ ჯვარი ეკლესიაში დაიწერონ. თუმცა კანონი ასევე უფლებას აძლევს მღვდელს უარი თქვას ჯვრისწერის ცერემონიის ჩატარებაზე, მაგრამ ავალდებულებს ალტერნატივა მოუძებნოს წყვილს ცერემონიის ჩასატარებლად. ძალიან მაგარი ქვეყანაა!

მოკლედ, ესეც ორშაბათის პოსტი. კვირის ენერგიულად დასაწყებათ კი პინკის ვიდეოს ნახვას გთავაზობთ. მე პირადად მაგარ ხასიათზე მაყენებს ;)

Pink - So what!

We Dont't Wanna Put In!

ვერ გეტყვით, ძალიან გამიხარდა მეთქი ან საერთოდ არ მოველოდი მეთქი, სწიოპას და გოგონების საგზურს მოსკოვში ევროვიზიაზე. გულიც მიგრძნობდა და ლოგიკაც მეუბნებოდა ეგენი არიან ისინიმეთქი :)) სიმღერაზეც ვერ ვიტყვი გენიალურიათქო, მაგრამ გულს ფხანს, საკაიფოდ იცეკვება, გაჯაზება ბუხოიზე მოსულა, კლასიკური დისკოა და მოკლედ როგორც ოსტინ პაუსერსი იტყოდა - groovie it babe, yeah.. ;) ვხიალისობ და ვცდილობ არ ვიფიქრო იმაზე პუწია ბიძია ამჯერად შაშას გამოგვიგზავნის იქიდან თუ კოლას. მთავარია, რომ მსოფლიო გეი ქომიუნითი აღფრთოვანდება დისკოს რიტმებით და იმადია სტეფანჩიკა და გოგონები ვერკა ბებიას გმირობას მაინც გაიმეორებენ მოსკოვ-ქალაქში.

პირადად მე, დავქაჩე We Dont't Wanna Put In ევროვიზიის გვერდიდან და ფრიდა ვხალისობ. იგივეს გირჩევთ თქვენც ;)

კიდევ ის, რომ შედით საერთაშორისო ევროვიზიის გვერდზე და ასევე Youtube-ზე და დააკონეტეთ ჩვენების სასარგებლოდ.

მისტერ ვალენტინის კონკურსის ჩატარებას ქართველი "ჯვაროსნები" ეწინააღმდეგებიან

როგორც იცით დღეს საღამოს 10 საათზე საიტი Eva.ge-ს ინიციატივით დაგეგმილი იყო კონკურსის -მისტერ ვალენტინი - დასკვნითი საღამო კლუბ კუბიკში. ძალიან ვეცადე შეღწევას, მაგრამ არ გამომივიდა. რომც გამომსვლოდა ვინ მაცლიდა რო? კლუბის წინ თავმოყრილია გამოიცანით ვინ? ისევ ჩვენი "საპატიო" ჯვაროსნები, ხელში უჭერიათ ხატები, ჯვრები და ცდილობენ გაიმეორონ შარდენზე ჰელოვინის ფართის გმირობები! არ მოწონებიათ მისტერ ვალენტინის გაკონკურსება და გაჰკივიან რომ წმინდანის სახელზე არ შეიძლება კონკურსების ტარება. მცხვენია, რომ ამ ხალხთან ერთად ვცხოვრობ ქალაქში რომელიც ყოველთვის ტოლერანტობის, პროგრესისა და სილამაზის სიმბოლო იყო, საქართველოსთვის მაინც! როდემდე შეიძლება გაგრძელდეს ეს ყველაფერი? ასე თუ გაგრძელდა თეირანი მონაგონი იქნება! ყველამ უნდა ვქნათ რამე! არ ვიცი რა მაგრამ რამე უნდა ვქნათ! მალე ალბათ სახლებშიც შემოგვივარდებიან!

გამოხატეთ თქვენი აზრი კომენტებში რა?!

ნახეთ ჰელოვინ-ფართის დარბევა შარდენზე:

ვისაც არ დაგეზარებათ და გულის მოფხანა გინდათ, დაქაჩეთ ფილმი V for Vendetta (Go.ge-დან) სიუჟეტი მოგაგონებთ ჩვენს დღევანდელ რეალობას.

მეთიუ მიტჩემი კვლავ სპონსორის გარეშე რჩება

პეკინის ოლიმპიადის ოქროს მედალოსანი მეთიუ მიტჩემი (Matthew Mitcham ), რომელიც ერთადერთი "ღია" ჰომოსექსუალი ოლიმპიელი იყო, მსოფლიო საზოგადოებისა და გეი ქომიუნითის ყურადღების ცენტრშია. მიტჩემი ძალიან დიდი პოპულარობით სარგებლობს, და დიდი შემართებითაა განწყობილი შემდგომ ოლიმპიადაზე უფრო მეტი წარმატების მისაღწევად. თუმცა, მეთიუმ ჟურნალ Advocate-ისათვის მიცემულ ინტერვიუში, რომელიც დღეს გამოქვეყნდა სინანულით აღნიშნა რომ სამწუხაროდ კვლავ არ ყავს სპონსორი, რომელიც აუციებელია ოლიმპიადანმდე ინტენსიური მომზადების დასაფინანსებლად. მიმომხილველები ვარაუდობენ, რომ მიტჩემის ქამინ აუთი დამაფრთხობელი იყო ბევრი კომპანიისათვის და თავს არიდებენ ცისფერი სპორტსმენის დაფინანსებას და მის სახელთან საკუთარი ბრენდის სახელის დაკავშირებას.

ამ მოსაზრებას მეთიც იზიარებს. მეთმა არაერთხელ გააპროტესტა მედია კომპანიების მიერ მისი და მისი პარტნიორის დისკრიმინირება. ოლიმპიადიდან ჩართვებისას სპორტსმენებს ყოველთვის გულშემატკივრობდნენ მათი ოჯახის წევრები და ჟურნალისტები სავალდებულო სახით გადასცემდნენ მათ კომენტარებსა და განცდებს. მეთის მეუღლე კი თითქმის ყოველთვის კადრიდან იყო ამოჭრილი. ჰომოფობ მედია მაგნატებს არ სურთ გეის ოქროს მედალოსანი ოლიმპიელის სახელთან ასოცირება. და გარკვეულწილად სურთ სხვა ოლიმპიელების დაშინება, რომლებიც ჯერ კიდევ მალავენ საკუთარ ორიენტაციას. დარწმუნებული ვარ 2012ში ლონდონის ოლიმპიადაზე ეს ხრიკი აღარავის გაუვა.

სანამ გეი საზოგადოება ჟივილ ხივილით აღნიშნავს პირველი გეი ოლიმპიელის ოქროს მედალს და მისი ულამაზესი ტანის კუნთების ცქერით ტკბება, მეთ მიტჩემი ძვირადღირებულ დროს აცდენს დაფინანსების არარსებობის გამო. იმედი მაქვს ჟურნალი Advocate თავისი გავლენით ხელს შეუწყობს ამ პრობლემის მოგვარებას.

ახლა კი, ძალიან საყვარელი და ძალიან საამაყო მეთი!

ისლანდიას ლესბოსელი პრემიერი ეყოლება!

წელი მსოფლიოსთვის მართლაც საინტერესოდ იწყება. 2009 ბევრი გეი ორიენტირებული სიახლე მოგვიტანა მსოფლიო პოლიტიკაში და აი კიდევ ერთი ამბავი, ისლანდიას პირველი გეი (ლესბოსელი) პრემიეერ მინისტრი ეყოლება. ქალბატონი იოჰანა სიგურდარდოტირი (Johanna Sigurdardottir) სოციალ დემოკრატი იქნება პასუხისმგებელი ახალი მინისტრთა კაბინეტის ფორმირებაზე. კვირის ბოლოს ის ისლანდიის პრემიერ მინისტრის პოსტს დაიკავებს.

ყოფილი ტელეწამყვანი, სოციალ დემოკრატიული პარტიის წარმომადგენელი, იოჰანა სიგურდარდოტირი 66 წლისაა, არის „გახსნილი“ ლესბოსელი, ყავს ორი შვილი და 2002 წლიდან იმყოფება სამოქალაქო ქორწინებაში ქალბატონ ჯონინა ლეოსდოტირთან.

ჩემი ბლოგი ულოცავს ქალბატონ იოჰანას!
ჩვენც, ქართველი გეები ვამაყობთ შენი მიღწევებით "სესტრიჩკა"! ;)

ასევე გადახედეთ წინა პოსტებს ჩემს ბლოგზე რუბრიკაში - Gay and Politics !
ასევე გადახედეთ Tbilisi Gay Life-ზე სარკოზის მინისტრმა აღიარა, რომ ჰომოსექსუალია და „ფრთხილად ქართველებო, პედერასტები მოდიან“

აუცილებლად ნახეთ! ეპისკოპოსი ჯინ რობინსონი ჯონ სტიუარტის შოუში!

ჯონ სტიუარტის შოუში ეპისკოპოსმა ჯინ რობინსონმა მიიღო მონაწილეობა (შოუ აშშ-ს ერთ ერთი ყველაზე პოპულარულ გასართობი პროგრამაა, რომელიც ადგილობრივი ნეთვორქის გარდა CNN International-ზეც გადის). ეპისკოპოსი ჯინ რობინსონი ერთ ერთი პირველი გახნილი გეი მაღალი სასულიერო პირია, რომელიც ობამას კამპანიის მრჩეველი და მხარდამჭერი იყო. რობინსონს წილად ხვდა დიდი პატივი ობამას ინაუგურაციაზე ლოცვის ცერემონიალს წაძღოლოდა.

ინტერვიუ ძალიან სახალისოა. განსაკუთრებით პირველი ნაწილი. ჯინ რობინსონი გენიალური ადამიანია. ის საუბრობს, რომ მოვა დრო როდესაც შესაძლებელი იქნება აშშ პრეზიდენტი გეი გახდეს.

სამწუხაროდ მთელი სიუჟეტი ინგლისურადაა. ხუმრობა გენიალურია და თარგმნა შეუძლებელია. მათთვის კი ვინც იცის ინგლისური, მაინც ერთ პატარა მინიშნებას გავაკეთებ: "Bishop" ინგლისურად ეპისკოპოსის გარდა ასევე ქვია კუ-ს ჭადრაკში.
"Queen" - დედოფლი, ასევე ქვია ლაზიერს (ჭადრაკი), და ასევე ცოტათი ისტერიჩკა ძევკა გეი დედოფალსაც :)

"The Daily Show" with Gene Robinson (20/01/09)

ობამას ინაუგურაციის ცერემონიაში ლგბტ მუსიკალური გუნდების ასოციაცია მონწაილეობდა

თეთრი სახლის წინ აშშ-ს ახალი პრეზიდენტის ობამას პატივსაცემად გამართულ პარადში პირველად საპრეზიდენტო ინაუგურაციების ისტორიაში გეი კოლონა მონაწილეობდა. ამერიკის ლგბტ მუსიკალური გუნდების ასოციაციის კოლონამ ამაყად ჩაიარა საპატიო ტრიბუნის წინ.

ობამას სამოქმედო გეგმაში, რომლიც ლგბტ საზოგადოებას ეხება ცოტაოდენი ქართული წვლილიც ურევია

ბარაკ ობამას სამოქმედო გეგმაში, რომელიც სულ ახლახანს გამოქვეყნდა თეთრი სახლის ვებ გვერდზე (სრული ტექსტი აქ!), საკაოდ დიდი ადგილი უკავია საკითხებს, რომელლებიც ასევე ამირიკელ ლგბტ საზოგადოებას აწუხებს. ერთ ერთი მათგანმა დამაინტრიგა და გადავწყვიტე ბლოგზე დამედო. საკითხი ჰომოსექსუალების სამხედრო სამსახურში მსახურის უფლებას ეხება.

ამერიკელი გეი საზოგადოება დიდი ხანია იბრძვის უფლებისათვის მსახურობდეს

სამხედრო შეიარაღებულ ძალებში თანაბარ პირობებზე, ღიად და დაუფარავად. გეებს აღარ აძევებენ ჯარიდან, თუმცა მაქსიმუმ რისი მიღწევაც შესძლეს ესაა პრინციპის - Don't Ask-Don't Tell - შემოღება (1993 წელს კლინტონის განკარგულებით). პრინციპი შემდეგში მდგომარეობს: შესაძლებელია ჰომოსექსუალი სამხედრო იყოს, თუმცა ამის შესახებ საჯაროდ არ უნდა განაცხადოს. პრინციპის მიხედვით, ჰომოსექსუალიზმის გამო არ შეიძლება სამსახურიდან გაგდება (თუ რა თქმა უნდა სხვა ეთიკურ ნორმების დარღვევასთან არ გვაქვს საქმე), არ შეიძლება გამოძიება ან ჩაძიება ზემდგომი პირების მხრიდან მოსამსახურის ორიენტაციის გასარკვევად. თუმცა თავად მოსამსახურესაც არა აქვს უფლება ღიად იყოს გეი. ანუ უხეშად რომ ვთქვათ - გეებმა მოკეტეთ, ჩვენ გვკიდია და არ შეგეკითხებითო. მიუხედავად იმისა, რომ 1993 წლამდე გეებს საერთოდ არ შეეძლოთ შეიარაღებულ ძალებში მსახური და პრინციპმა - Don't Ask-Don't Tell - ეს შსაძლებელი გახადა, ადამიანის უფლებების დამცველები მაინც ცხარედ აკრიტიკებენ ამ პოლიტიკას და თვლიან, რომ პრინციპი არღვევს პიროვნების თვითგამოხატვისა და თავისუფლების არსს. რაშიც სრულიად ვეთანხმები.


ბარაკ ობამას ახალი ინიციატივა აქვს. მის სამოქმედო გეგმაში ვკითხულობთ, „პრეზიდენტი ობამა მთლიანად ეთანხმება შეიარაღებული ძალების შტაბის ყოფილ უფროსს ჯონ მალხაზ შალიკაშვილს, რომ ჩვენ უარი უნდა ვთქვათ ამ პრინციპზე, რადგან სამხედროსათვის მთავარია პატრიოტიზმი, პასუხისმგებლობა და მზადყოფნა ემსახუროს სამშობლოს და არა ორიენტაცია. დისკრიმინაცია უნდა აღმოიფხვას. აშშ-ს მთავრობას მილიონობით დოლარის თავიდან დხარჯა მოუწია, რათა ჩაენაცვლებინა სექსუალური ორიენტაციის გამო გაგდებული მოსამსახურე. სამხედროების გარდა 300-მდე მაღალკვალიფიციური თარჯიმანი იქნა გაგდებული ამავე მიზეზის გამო, მათ შორის 50 არაბულის ექსპერტი. პრზიდენტი ობამა აპირებს იმუშაოს სამხედროებთან რათა გაუქმდეს მიმდინარე პოლიტიკა (ჰომოსექსუალიზმთან დაკავშირებით). ეს მხოლოდ დადებითად იმოქმედებს ქვეყნის თავდაცვის მიზნების მიღწევაზე. „

ჩემი მხრიდან ვიტყვი, რომ ყოჩაღი ბიჭები ხართ ბარაკ და მალხაზ ;)

დღეს სამყარო შეიცვალა

ბავშობიდან მჯეროდა, რომ იქ სადღაც ოკეანის გადაღმა შეგიძლია მიაღწიო ყველაფრს, შეგიძლია იყო თავისუფალი, შეგიძლია იყო ბედნიერი, შეგიძლია იყო ის ვინცა ხარ, შეგიძლია დაიბადო შავკანიანად მაგრამ გახდე პრეზიდენტი. დღეს ობამამ დაამტკიცა, რომ „ამერიკული ოცნება“ არსებობს და ეს მხოლოდ ჰოლივუდის ლამაზი ფილმი არაა. დღეს ამერიკელმა ხალხმა დაამტკიცა, რომ სუპერ სახელმწიფოს მოქალაქეები არიან. დღეს სამყარო მართლა შეიცვალა. დემოკრატები ბრუნდებიან და მათთან ერთად ბრუნდება იმედი სამართლიანობის, ადამიანის უფლებების, თავისუფლებისა და დემოკრატიის. ეს მთელს მსოფლიოს და საქართველოსაც შეეხება მომავალში.

არ მინდა ბევრი გავაგრძელო და იმაზე ვილაპარაკო რატომ უხარია მთელ „ჩვენს ქომიუნითის“ დემოკრატების დაბრუნება და ობამას გამარჯვება. პოსტს მადონას ფრაზით იმ დავამთავრებ დღეს რომ თქვა ამ ამბის გაგების შემდეგ - „დღეს ყველაზე მაგარი დღეა ჩემს ცხოვრებაში!“